ЗАСРАМУВАЧКИ ДЕН ЗА РОДОВАТА ИДЕОЛОГИЈА ШТО СЕ ТУРКА НА ДЕЦАТА
- vrednosti
- 13 minutes ago
- 2 min read
Можеби по ниедно друго прашање современото општество не било толку поделено или поемотивно, од прашањето: Дали на децата треба да им се даваат третмани за "промена" на полот? Токму затоа, 18 ноември 2025 г. може да се запомни како ден кога таа дебата во голема мера беше решена.
Тоа е денот кога Министерството за здравство и човечки услуги на САД (U.S. Department of Health and Human Services-HHS) го издаде својот најнов извештај за медицинските докази, во врска со третманите за "промена" на полот кај децата. МЗЧУ (HHS) објави рана верзија на извештајот во мај, но во месеците што поминаа, директно побара од скептичните лекари и медицински здруженија да ги испитаат неговите заклучоци.
Зачудувачки, ниту еден од нив не можеше да го побие заклучокот на МЗЧУ дека медицинските ризици за децата далеку ги надминуваат сите потенцијални придобивки од третманите за промена на полот. Таканаречените третмани за „потврдување на полот“ можат да имаат доживотни последици врз физичкото и менталното здравје на децата, вклучувајќи неплодност, стерилитет, сексуална дисфункција, метаболички нарушувања, хируршки компликации, депресија и друго. Затоа, МЗЧУ е во право да апелира децата да бидат заштитени од вакви третмани, наместо тоа, да им се даде терапија за состојби како што се депресијата и аутизамот, кои најчесто ја придружуваат конфузијата во однос на полот.
Листата на автори на овој извештај/истражување е јавно позната и вклучува високо почитувани лекари и доктори на науки од МИТ, Универзитетот Дјук, Медицинскиот колеџ Бејлор и Универзитетот во Јужна Флорида. Исто така, вклучува и различни експерти од медицински здруженија и академски институции, вклучувајќи и либерали. Заедно, тие искрено и темелно ја разгледаа науката, а нивните заклучоци сега издржаа строг надзор.
Едноставно кажано, најновиот извештај на МЗЧУ/HHS е најсеопфатното истражување во светот, со наголем број докази за третманите за “промена” на полот кај децата. Тој дава поддршка на напорите на администрацијата на Трамп да ги спречи “промените” на полот кај децата; исто така, ги оправдува 27-те држави кои го ограничуваат пристапот на децата до такви третмани. Без сомнение, оваа дебата тука не завршува, со оглед на тоа колку ова тема е политички и емоционално набиена. Но, на 18. ноември, стана сосема јасно дека најдобрата медицинска наука ја поддржува заштитата на децата.
Автор:
Курт Мисели, доктор по психијатрија и интерна медицина, медицински директор во „Не штети“.
🌐
Comments