Веруваме дека секое дете заслужува безбедно и безгрижно детство. Периодот од самото раѓање до крајот на адолесценцијата е најважниот период од човековиот развој, бидејќи тогаш настануваат најголемите психофизички и социјални промени. Искуствата од тој период го обликуваат понатамошниот развој и тие се од енормно значење за квалитетот на идниот живот како возрасни. Додека се мали, децата почнуваат да учат за биолошката реалност, а за време на периодот на пубертетот, тие истражуваат и се трудат да пронајдат кои се како личности и која им е целта на животот. Го бараат своето место во светот. 

Токму во раното детство и во адолесценцијата, децата се најранливи и секое надворешно влијание се впива во нивната потсвест и се одразува на нивното разбирање на светот и себеси. Бидејќи овој период е проследен со збунетост и повеќе прашања отколку одговори, децата имаат потреба од љубов и заштита. Заштитата се состои во тоа да ги оставиме децата да бидат деца, без да им се наментуваат проблемите и одговорностите на возрасните, особено без да се индоктринираат со разни неодржливи и измислени од човекот идеологии. 

За жал, тоа мирно детство почна да се нарушува со воведување на разни идеологии во образованието, од кои најзастрашувачка е (транс)родовата идеологија, којашто ја промовира идејата дека полот е променлив и мажите можат да станат жени, а жените можат да станат мажи. 

Токму затоа, постоеше голема потреба да се формира Коалиција за заштита на децата. Ве повикуваме и вие, заедно со нас, да помогнете да ѝ овозможиме на нашата иднина да застане на сигурни нозе! 

​